Аналитичари: Android ќе доминира до 2014

Symbian и Android до 2014 година ќе доминираат на пазарот со мобилни оперативни системи, предвидува Гартнер. Од компанијата очекуваат дека Symbian и Android заедно ќе бројат 59,8 проценти од светскиот пазар за мобилни оперативни системи, поделено скоро еднакво – Symbian со 30,2% и Android со 29,6%. Гартнер вели дека до крајот на годинава, Android ќе се искачи на второто место со удел на пазарот од 17,7%, веднаш под Nokia оперативниот систем Symbian, кој има 40,1% удел. До крајот на 2009 година, Android имаше 3,9% удел на пазарот. Предвидувањата на Гартнер не им одговараат на Blackberry и Apple. Нивните платформи кои ја завршија 2009 година со 19,9 и 14,4% на пазарот, се очекува годинава да паднат на трето и четврто место. Секако, 4 години е долг период и работите можат да се променат.