Чоколаден колач
Потребни состојки:
за чоколаден прелив:
- 10 лажици млеко
- 100 гр маргарин
- 100 гр темно чоколадо/ чоколадо за готвење
- 10 лажици шеќер
за тесто:
- 2 чаши јогурт
- 2 лажички сода бикарбона
- 2 чаши шеќер
- 0,5 чаша масло
- 2 чаши брашно
- 2 лажички какао
Пред да почнете со припремата вклучете ја рерната на 220 степени.
Начин на подготовка:
Ставете го брашното во поголем сад и додадете сода бикарбона и какао. Додадете го и шеќерот и добро измешајте го сето тоа. Постепено ставајте го јогуртот и мешајте. Матете ја смесата додека не ги разбиете сите грутки. Додадете и масло и мешајте додека не добиете хомогена смеса.
Потоа премачкајте еден плех со масло и посипете го со брашно. Ставете ја подготвената смеса во плехот и печете 40тина минути на 220 степени.
За преливот растопете чоколадо, маргарин и млеко. Чоколадото топете го на најниска температура за да не го изгуби сјајот. Додадете шеќер, промешајте и чекајте да се растопи. Кога ќе се испече колачот, оставете да се излади, исечете ги краевите и прелијте го со чоколадниот прелив. Исечете го на коцки и спремен е за послужување.