Moдерна руска салата

Потребни состојки:

• 400мл мајонез
• 400гр пилешко бело месо
• 4 белки
• 300гр пченка
• помал корен од целер
• половина тегла кисели краставички
• 4 поголеми моркови
• зачин

Начин на подготовка:

Месото сварете и исечете го на коцки. Белките изматете ги, посолете и побиберете, па испечете ги на тефлон. Готовите белки со вилушка ситно изгмечете ги. Морковите и краставиците исечете ги на ситни коцки, а целерот крупно изрендајте го и додадете малку оцет. Во поголема чинија помешајте ги подготвените состојки, па соединете ги со мајонез. На крајот додадете зачини.