Шарени спирали

Потребни состојки:

• 300гр спирала тестенини
• помала главица брокула
• 300гр зелена боранија
• 1 црвена пиперка
• 1дл пилешка супа
• 2 домати
• 2 чепниња лук
• 1дл маслиново масло
• 2 лажици рендан пармезан
• сол
• бибер
• магдонос
• свеж босилек

Начин на подготовка:

Во солена вода сварете ги тестенините и исцедете ги. Исмијте ја брокулата и боранијата, иситнете ги на помали парчиња, а потоа кратко варете во пилешка супа. Пиперката исечете ја на коцки и продинстајте на маслиново масло со сецкан лук. Во тоа додадете го оладениот сварен зеленчук, додадете сол, бибер, помешајте со тестенините, а потоа додадете ги и свежите домати исечени на поголеми коцки. Во останатото масло додадете пармезан, исецкан магдонос и босилек, прелијте и уште еднаш добро измешајте.