Солени мафини од зеленчук и сирење

Потребни состојки:

• 2 лажици маслиново масло или 20гр путер
• 150гр сладок компир
• 2 тиквици
• 1 чешне лук
• 200гр свежо кравјо сирење
• 3 јајца
• Домат
• 2 лажици пармезан

Начин на подготовка:
Премачкајте го калапот за мафини (6 парчиња).

На маслиново масло или путер, пропржете на коцки исецкан компир, и исто така на коцки исецкани тиквици.

Пржете само малку да се запече зеленчукот, па додадете го исецканиот лук.

Откако ќе се олади, додадете зачини по желба, сол, бибер, морско оревче…

Во посебен сад, кравјото сирење исецкајте го. Додадете јајца, пармезан и сето тоа заедно повторно измешајте го и составете го со оладениот зеленук. Одозгора ставете парчиња домат.

Наполнете го калапот со смесата и печете во претходно загреана рерна на 180 степни околу 30 минути.

Добар апетит!