Маска за лице од овесни трици

Овесните трици се еден од најефикасните природни продукти, кои помагаат за чистење на кожата од несаканата нечистотија, при тоа ја збогатуваат и хидратираат  особено ако станува збор за чувствителна кожа.  Според дерматолозите, оние елементи кои ги има во триците делуваат за смирување на различни видови воспаленија на кожата.

Како се приготвува маската: Потребни ви се овесни јатки. Може да се цели или ситно смелени, но важно е да се природни. Во половина чаша овесни јатки додадете доволно топла вода, за да се добие хомогена маса. Нанесете со прсти од смесата на лицето и започнете нежно да масирате. Тоа треба да трае отприлика 5 минути, а потоа оставете маската да делува уште 15 минути, при што ќе го нанесете и останатиот дел од маската во подебел слој на лицето.

Овесните јатки делуваат како пилинг и ја прочистуваат длабински кожата, отстранувајќи ги сите нечистотии од порите и мртвата кожа. Се препорачува ваков третман еднаш неделно.