Чоколаден чизкејк Брауни
Потребни состојки:
120 гр темна чоколада, најдобро 80% какао
120 гр путер
150 гр кафеав шеќер
2 јајца
60 гр брашно
За чиз глазурата:
1 јајце
240 гр сирење Филаделфија
60 гр шеќер
1 пакетче ванила
Тава со димензии 20х20 см се обложува со алуминиумска фолија. Рерната се загрева на 180 степени. Чоколадата и путерот се топат во тенџере, при што се меша постојано, за да не загори чоколадата – најдобро тоа да го направите на водена пареа. Во чоколадната смеса се додава шеќерот, после јајцата, при што се меша со миксер. Се додава и брашното и се заедно се меша добро.
Сите компоненти за чизкејкот се мешаат добро додека не се добие изедначена пенеста смеса. 3/4 од смесата за брауни се исипува во тавата. Врз неа се исипува смесата за чизкејк. Останатата чоколадна смеса се додава од горе со лажица и се оформува некаков мотив – например мермерна шара. Се пече 30-35 минути.