Едноставна и фантастична: Непечена Милка торта
Состојки:
1 л млеко
10 лажици шеќер
3 кеси пудинг од ванила
300 гр млечна милка чоколада
100 гр бела милка чоколада
500 мл слатка павлака
Плазма бисквити за дното
Подготовка:
Од литарот млеко одземете малку за да го растворите пудингот со шеќер. Останатато млеко ставете го да проврие па додадете го растворениот пудинг со шеќер. Врелата смеса поделете ја на два дела, па во едната ставете бела, а во другата млечна чоколада и мешајте се додека се стопат. Оставете да се олади.
Изматете ја слатката павлака, па 1/4 ставете во белиот, а 1/4 во темниот крем.
Земете подлабок сад со округла форма, обложете го со кеса и исипете го белиот крем, врз него ставете го остатокот од слатката павлака. Следува темниот крем. Врз него ставете ред плазма бисквити потопени во млеко. Затворете ги ивиците на кесата и ставете ја тортата во фрижидер неколку часа. Извадете ја, отворете ја кесата, поклопете со тацна и превртете ја тортата. Вашата Милка торта ќе има идеална форма.