Направете пирошки од стариот леб

Потребни состојки:

–          Половина векна стар леб

–          100 гр кашкавал

–          100 гр презла

–          100 гр салама

–          2 јајца

–          100 гр сирење

Подготовка:

Иситнете го лебот и ставете го во еден длабок сад. Додајте го јајцето, малку млеко, посолете и убаво измешајте. Кашкавалот и саламата ситно изрендајте ги. Во смесата ставете ги кашкавалот, саламата и ситно исецканото сирење, па од таа смеса направете пирошки. Секоја пирошка најпрво потопете ја во изматено јајце, па во презла и пржете ги во врел зејтин. Откако ќе се испржат ставете ги на хартиена салфетка за да ја впие непотребната маснотија.