Стек со пршута

Потребни состојки:

• 500гр телешки стекови
• 250гр пршута
• 1кг компир
• 50гр путер
• малку млеко
• магдонос
• сол
• бибер
• масло

За сос:

• 250гр путер
• 2 жолчки од јајце
• 4 лажици бело вино
• сок од еден лимон
• сол
• бибер

Начин на подготовка:

Сварете го компирот, изгмечете го, додадете путер и млеко, па направете пире.  Стековите истенчете ги со толчник за месо, додадете сол, бибер, завиткајте ги во пршута и испечете ги на загреано масло. За сос растопете путер и оставете го од страна. Ставете помал сад во поголем со зовриена вода и на пареа изматете жолчки и бело вино. Полека, со постојано мешање, додадете растопен путер, малку сок од лимон, сол и бибер. Кога ќе почне да се згуснува сосот е готов. На средина на чинијата ставете пире од компир, преку него ставете стек, а околу истурете сос и украсете со сецкан магдонос.