Запечени тиквици со моцарела и пармезан
21 јуни, 20130
Потребни намирници:
4 тиквици
Неколку лажици свеж босилек
Неколку парчиња млад кромид
1 чаша бело сирење или моцарела, исецкано на коцки
½ чаша рендан пармезан
Лук во прав
Сол
Бибер
Начин на подготовка:
Исечете ги тиквиците на полумесечинки, а босилекот и младиот кромид на ситни парчиња. Загрејте ја рерната на 180 степени. Измешајте ги сите компоненти – без пармезанот и исипете ја смесата во соодветен сад за печење, добро намачкан со масло за јадење.
Печете без да го покривате садот со капак, околу 30 минути, а откако ќе го извадите од рерна посипете го со пармезан.
После тоа повторно ставете го јадењето во рерна и печете уште 15 минути.
Добар апетит!