Места со посебна енергија кои зрачат со инспирација

Земјата е жив организам и таа поседува места со посебна енергија, кои зрачат со инспирација и ги оставаат без здив патниците кои некогаш ги посетиле.

Енергетските центри или уште познати како чакри, се всушност „центри на силата” кои се појдовни точки за примање и пренесување на енергии. Се смета дека секоја идеја, мисла или намера пренесена на едно од овие 7 места, добива силна енергија и истата се остварува.

Иако меѓу стручњаците има отстапки околу суптилноста на енергијата на нашата планета, но сите се согласни дека постојат 7 такви места, а тие се следниве:

1. Големиот Кањон- Аризона, САД

Првото подрачје на енергетскиот центар е населено од индијанското племе Хопи, што во превод значи мирољубиви. Областа е во опозиција со 7-та енергетска сила на земјата Каилаш на Тибет. Овие два центра, познати како круната и коренот, ја претставуваат врската помеѓу земјата и небото. Преку таа врска, нашите идеи добиваат поддршка од боговите во нивната реализација.

2. Мачу Пикчу- Перу

Народскиот назив на ова место е „Изгубениот град на Инките”, а реката која тече низ него е главниот извор на реката Амазон, која ѝ дава живот на Земјата. Градот е изграден во 1300-та година, а потоа останал сокриен сè до 1911 година. Многумина сметаат дека овој град бил напуштен и заборавен 400 години, уште пред царството Инки да ги пороби Шпанците. Станува збор за енергетски центар на сексуалноста и креацијата на животот.

3. Улуру-Австралија

За австралиските Аборџини Улуру е света планина, на која биле слушнати и остварени многу од нивните молитви. Улуру е најголемиот камен монолит и се верува дека ова место ја јакне личноста и зацврстува самодовербата.

4. Гластонбери Тор – Англија

Се верува дека овој енергетски центар има влијаниe врз сите 7 центри на силата на планетата Земја. Има иста улога како срцето во телото, односно се смета дека овој центар е лековит.

5. Пирамиди во Гиза- Египет

Место Гиза некогаш било нулта меридијан, референта точка за одредување на географската должина, чија точка била токму во Кеопсовата пирамида. Во нашето тело петта точка се врзува со грлото, а ова место е центар на комуникацијата и нашите одлуки.

6. Планина Фуџи- Јапонија

Оваа планина е една од главните инспирации на јапонските уметници. Според тврдењата на стручњаците, ова место се поврзува со третото око на светот и ни овозможува работите да ги видиме јасно и да ги прошириме нашите хоризонти.

7. Планина Каилаш- Тибет

Овој хималајски врв е круната на светот. Станува збор за сакралното место на будистите, а го посетуваат и многу туристи кои се во потрага по алтернативни животни и духовни решенија.