Највкусните “Milk“ коцки

Состојки

За кора:

6 јајца

6 лажици шеќер

6 лажици брашно

1 прашок за пециво

4 лажици какао

6 лажици топла вода

Милк крем:

1 л млеко

100 гр густин

4 лажици шеќер

100 гр бела чоколада

250 гр маргарин

150 гр шеќер во прав

Топинг:

200 гр млечна чоколада

5 лажици млеко

4 лажици шеќер

150 гр маргарин

Подготовка:

Кора: јајцата се матат со шеќер. Брашното, прашокот за пециво и какаото се мешаат, се додаваат во матените јајца и се заедно внимателно се меша. Се додава и вода. Смесата се префрла во поголем плех обложен со хартија и се пече на 180 степени, 20 минути. Кората се сече на половина.

Милк крем: од млекото извадете 150 мл за да ги растворите густинот и шеќерот. Во преостанатото млеко додадете бела чоколада и ставете го садот на оган да зоврие. Во врелото млеко додадете ја смесата со густинот и мешајте се додека не се добие потребната густина. Кога ќе се олади додадете матен маргарин со шеќер во прав.

Топинг: чоколадата, шеќерот, млекото и маргаринот ставете ги на оган се додека состојките не се соединат. Кремот треба да се олади, за да изгледа како омекнат маргарин.

Фил: кората премачкајте ја со белиот фил, потоа со топингот, додадете ја втората кора и повторете ја постапката.