Парени црно бели колачи

Состојки:
600 гр. шеќер за шербет
3 лажици какао
1 парче прашок за пециво
1 парче квасец
3 филџани вода млака
3 филџани гриз
3 филџани зејтин
0,5 кг. брашно
2 парчиња ванилин шеќер за шербетот
кора од лимон рендана
лимон за шербетот

Подготовка:

Квасецот се рони во брашното, се додаваат сите други состојки и се замесува смесата, која се дели на два дела па во едниот се додава какаото. Вака се остава околу дваесетина минути да стасува па потоа се расукуваат кори од двете смеси кои се редат една врз друга и се виткаат во ролат. Се сечат парчиња во дебелина од еден сантиметар и се редат во ненамастено плехче. Не се грижете кога ги сечете парчињата тие се сплескуваат но кога ќе ги ставите во тавчето постепено ја добиваат формата на ролат. Се печат околу десетина минути и млаки се потопуваат во претходно приготвениот шербет(кој треба да биде млак и не многу густ, значи не треба многу да врие). Се сервираат ладни.