Пилешки ќебапчиња

Состојки:

• 500 гр мелено пилешко месо ( можете да го купите или само да го сомеете дома)
• 2 лажици павлака
• 150 гр. кашкавал
• 50 гр. пармезан
• 50 гр. сланина
• 3 лажици лебни трошки
• 2 лажици сечкан магдонос
• половина главица ситно сечкан кромид
• 1 јајце
• масло
• сол и бибер

Подготовка:

Во еден сад добро соединете го меленото пилешко месо, изренданиот кашкавал, ситно сечканата сланина, пармезанот, магдоносот, павлаката, кромидот, живото јајце и лебните трошки.

Додадете ги зачините по вкус и убаво измесете ја смесата за да се добие изедначена маса.

Добиената смеса оставете ја да отстои 60 минути во фрижидер.

Потоа извадете ја и со раце формирајте ќебапчиња.

Пржете ги ќебапчињата на врело масло додека не поцрвенат од сите страни.