Историски момент: Путин го потпиша законот, Крим е веќе дел од Русија!

Претседателот на Русија, Владимир Путин го потпиша денес законот врз основа на кој полуостровот Крим повторно станува дел од Русија.

Советот на федерацијата едногласно ја усвоил одлуката за присоеднивување на Крим кон Русија, после референдумот на полуостровот во неделата каде повеќето граѓани гласаа за отцепување од Украина и соединување со Русија.

Одлуката претходно е одобрена од долниот дом на парламентот, а процесот е финализиран денес, со потпишувањето на Путин.

Украина и Западот го прогласија референдумот како нелегитимен, а САД и ЕУ воведоа санкции против Русија.

Крим беше дел од Русија од 18 век до 1954 година кога тогашниот советски лидер Никита Хрушчов го подари на Украина.