Кендра за животот со Хју Хефнер: Имав 18, а тој 78, не знаев дека и сексот е вклучен во сето тоа!
8 септември, 20150
Поранешната Плејбој зајачица, Кендра Вилкинсон, изгледа нема срам од ништо, па во главно без проблем кажува сè “што и лежи на душа”. Овој пат отворено проговорила за својот пат до славата, кој го остварила преку Вилата на Плејбој.
Познатата блондинка проговорила за своите сексуални односи со денес 88-годишниот сопственик на “Playboy”, Хју Хефнер.
“Ме замоли да бидам една од неговите Плејбој зајачици. Не знаев за што точно станува збор, но прифатив. Тогаш живеев во најмалиот и најгрозен стан кој постои, имав и многу проблеми, па се молев некој да ме извлече од сето тоа”, рекла Кенрда, пренесува Mirror.co.uk.
“Не знаев дека и сексот е вклучен. Тој само ќе прашаше – сакаш ли да одиме на горниот кат – и тоа беше тоа. Јас тогаш имав 18, а Хју 78 години. Не бевме должни да имаме секс со него, тоа беше наш избор”, го опишала Кендра своето Плејбој искуство.
Кендра денес е мајка на две деца, а Хју е далечно минато.
