Бијонсе објави “домашно видео”

Откако минатата година го изненади светот со објавување на цел нов албум “преку ноќ”, Бијонсе продолжува да ги чести своите фанови, па така, без никаква претходна најава таа објави нов видео спот и песна.

Станува збор за “домашното видео” за песната “7/11”, во рамките на кое што може да се види како музичката дива танцува во долна облека и се забавува со своите пријателки.

Меѓутоа, во неколку кадри таа покажала и дека е сериозна конкуренција на Џеј Ло, Иги Азела и Ким Кардашијан, кои што во изминатите неколку дена го освојуваа медиумскиот простор со своите секси задници.

Песните “7/11” и “Ring Off” ќе бидат дел од новото издание на албумот “Beyonce”, кој во продажба ќе се најде на 24 ноември.