Изјавата на Кристина Ковач: Даниел е најдобриот пејач на Балканот!
Ви претставуваме дел од интервјуто на Кристина Ковач, а ние ќе се задржиме само на делот каде таа говори за вокалните способности на Даниел Кајмакоски. Погледнете какво е нејзиното мислење за нашата гордост – Даниел Кајмакоски.
“Можеби првпат на натпреварувања од таков тип го имаме вистинскиот победник. На социјалните мрежи често коментираа дека сум ги запоставила „Доктори“. Уште од почетокот на шоуто фаворизирам некој што не е во мојата група и дека сум лоша менторка. Навистина не чувствувам потреба да се објаснувам, особено за забелешки што се неосновани. Изминативе месеци максимално му се посветив на машкиот бенд во „Х-фактор“. Работевме маратонски и се гордеам со нив. Тука сум за нив во секое време. Што се однесува до мојата поддршка за Kајмакоски, не кријам дека кај него препознав светски х-фактор. Тоа не го криев ниту од продукцијата ниту од другите натпреварувачи. Не е грев да имаш фаворит. Тоа воопшто не значи дека не ги поддржував и другите или дека сум тенденциозна во оцените. Секако дека „Доктори“ заслужуваа подобар пласман, барем да се најдат во финалниот дуел, но публиката гласаше поинаку.“
На прашањето дали сака да соработува со победникот, Кристина вака одговорила:
“Апсолутно. Тоа и му го кажав. Ако сака да отпее моја композиција, ќе ми биде чест. Би му направила вистински поп-песни, какви што тој во суштина и пее. По победата му реков дека тој е веќе ѕвезда, сега е важно да има рефрени што ќе допрат до слушателите. Има емоција, неверојатна енергија, знае да танцува, а она што ме фасцинира е неговиот пристап кон пеењето. Пристап што би го дефинирала како слободен човек, кој ужива во тоа што го работи. Даниел навистина има светски талент. Јас сум одушевена што тој победи, да беше поинаку, ќе беше скандалозно.“
И за крај, најголемата пофалба за Даниел:
“Верувам во Даниел и сметам дека на Балканот нема пејач каков што е тој. Пејач што има с`. Тој може да отиде во Германија да отпее, во Америка или каде било и неговиот талент секаде еднакво да блесне. Тој не е врзан за овој регион, тој е универзален.“