Нумерологијата нуди многу прецизен метод да се утврди каква е вашата врска или каква ќе биде евентуалната таква. За да ги искористите предностите на оваа информација, треба да го пресметате вашиот датум на раѓање, како и таа на партнерот. Тоа се случува ако ги соберете броевите од датумот на раѓање до добивање на едноцифрена бројка. А потоа да го сторите истото и со неговиот датум на раѓање. Добиената комбинација од двете крајни бројки ќе ви каже дали имате шанси за совршена врска, или пак таа ќе биде катастрофална.

Пример: Таа е родена на 12.01.1983, тој е роден на 23.08.1980

Таа: 1+2+0+1+1+9+8+3=25. 2+5=7

Тој: 2+3+0+8+9+1+9+8+0=31. 3+1=4

Тоа се партнери со комбинација 7 и 4

Епа, пресметајте и да видиме!

1 и 1

Двајца владетели не можат да делат иста територија. И двајцата сте премногу силни карактери, не сте навикнати да отстапувате и постојано покажувате супериорност.

1 и 2

Ако единицата не претерува со егоизмот, имате прекрасни шанси за хармонична и убава љубов.

1 и 3

Многу интересна, динамична и емотивна врска. Но, за да потрае подолго ќе треба да најдете заеднички цели во животот. Во спротивно секој ќе тргне сам по патот.

1 и 4

Проблематични односи од интимна гледна точка. Но како пријатели се разбирате одлично.

1 и 5

Љубов на прв поглед, многу страст и жестоки кавги и за најситни нешта. Ако сте фанови на адреналинот, супер. Но, ако барате нешто постабилно, нема да го најдете во оваа врска.

1 и 6

Одлична комбинација. Секој од вас ги задоволува потребите на другиот, без да прави компромиси со себе. Не измислувате непостоечки проблеми. Држете се еден за друг и ќе бидете многу среќни.

1 и 7

таквите врски се многу долги, но не и особено длабоки. А сепак, во нив има некја необјаснива спојка, која е доволна за да бидете заедно. Само ви треба уште малку страст.

1 и 8

И двајцата не умеете особено добро да ги покажете чувствата. Ако го промените тоа, унијата ќе биде успешна.

1 и 9

Многу ветувачка врска. Вие се надополнувате и се разбирате одлично. Според нумерологијата вие сте една од најдобрите комбинации.

2 и 2

Ако сте само пријатели, си одговарате одлично. Доколку се наметнат романтични чувства ќе стане една голема каша на недоразбирање.

2 и 3

Балансиран пар. Постои многу хармонија и разбирање меѓу вас. При тоа ќе станете одлични родители. Значи, ако сеуште не сте, дејствувајте!:)

2 и 4

Ви претстои одлична иднина. Но имате голема пречка меѓу себе – решителноста. Секој чека на другиот да го направи следниот чекор.

2 и 5

Емотивно нешто ви недостасува. Постојано си поставувате некакви искушенија, за да си докажувате нешто. Престанете, така ја убивате љубовта.

2 и 6

Оваа врска претставува љубов до крајот на животот! Не се сомневајте ни за секунда дали си одговарате. Идеални сте еден за друг!

2 и 7

Можна е подлабока и подолга врска, но ќе треба да поработите и двајцата. Како за почеток поработете на романтиката и изненадувањата. Тие ќе ве сплотат повеќе отколку што мислите.

2 и 8

Разбирање има, доверба има, недостасува само малку повеќе динамичност. Правете нови работи заедно, инаку здодевноста може да ве раздели.

2 и 9

Премногу сте различни. Како од различни планети. За да опстои врската ви требаат многу компромиси и многу нерви да потрошите. Вреди ли?

3 и 3

Може да создадете одлични односи, но стремежот за независност и на двајцата може да доведе до заладување на односите. Или до претерана љубомора!

3 и 4

Ако тројката навистина е вљубена и има сериозни намери, имате шанси за успешна врска. Но не е доволно само да чувствуваш, треба и да покажуваш што чувствуваш!

3 и 5

Вие сте убава комбинација, а ако имате и заеднички интереси, нема никакви пречки љубовта да стане прекрасна. Односите може да западнат во криза доколку премногу долго сте подалеку еден од друг.

3 и 7

Мали шанси за стабилна врска. Гледате во сосема различни правци, што редовно предизвикува тешки конфликти.

3 и 8

Врската ви е скоро бескорисна. Постојано се карате и обвинувате. А вистината е дека никој од вас не е “лошиот”. Едноставно не си одговарате.

3 и 9

Генерално добра комбинација, но ќе требаат и многу компромиси. Не дозволувајте вашите најблиски да ви се мешаат во односите.

4 и 4

Имате силна и стабилна врска. Си помагате и имате доверба. Имате мали проблеми, но тие не се опасни.

4 и 5

Целосна противречност и отсуство на разбирање.  Обично овие врски се со краток рок, но пак затоа страста во сексот воопшто не им недостасува.

4 и 6

Односите ви се карактеризираат со хармонија. Имате шанси за многу здрава и стабилна врска.

4 и 7

Имате перспектива за долга врска, која нема да се карактеризира со кој знае колку бурни емоции.

4 и 8

И двајцата држите до довербата и сплотеноста. И ги имате! Единствената пречка во љубовта ќе дојде, ако било кој од вас почне да се наметнува.

4 и 9

Многу се привлекувате. Многу повеќе од другите парови. Имате иднина заедно. Но доколку сте фанови на бурниот живот, ќе имате голем број на скандали.

5 и 5

Две сродни души! Одлична комбинација. Знаете како да се радувате еден на друг и да си помагате.

5 и 6

Шансите за долга врска се мали. Одделно сте мирни луѓе, но кога сте заедно некава зла агресија настанува помеѓу вас. Доколку успеете да се контролирате, со текот на времето се ќе си дојде на свое место.

5 и 7

Успешна комбинација. Имате разлики, но во совршена количина.

5 и 8

Секој си ја бара својата независност, но со цел да останете заедно, некој од вас ќе треба да си ги жртвува амбициите.

5 и 9

Совршен пар. Единствениот проблем ќе биде кој е оној што ги превзема обврските.

6 и 6

Многу си одговарате од гледна точка на карактери.

6 и 7

Оваа врска е една од најнепредвидливите. Но сигурно ќе биде во крајност – или долга и среќна или тотална катастрофа.

6 и 8

Комбинација од идеалист и матерјалист. Од чисто практична гледна точка тоа е добро.

6 и 9

Убава врска. И ќе остане таква под еден услов. И двајцата трудете се секогаш да ги покажувате чувствата кон другиот. Ако ги покажувате секој ден, се ќе биде во ред.

7 и 7

И двајцата сте премногу затворени. Кога сте заедно тоа уште повеќе се засилува. Тоа ја прави вашата врска многу тешка. Иднината зависи од тоа дали ќе научите да споделувате и да разговарате повеќе.

7 и 8

Многу лоша комбинација, тотално различни ставови за животот и љубовта. Несигурност, скандали и сомневања.да останете заедно е еднакво на катастрофа.

8 и 9

Убава врска, но со проблеми. И за време на најмалата пречка вие сакате да се разделите.

8 и 8

Интересни личности сте. Забавно ви е заедно, има страст и тоа многу силна. Но ќе мора да се справите со еден проблем – и двајцата сакате да командувате, и двајцата мразите да ви командуваат. Прифатете дека врската се базира на еднаквост, затоа бидете толерантни.

8 и 9

И двајцата глумите дека сте вљубени. Но нема да успеете до крај.

9 и 9

Добра комбинација само ако и двајцата доживувате силни чувства. Во случај ако едниот не е сигурен во својата љубов, ве чекаат бурни кавги и многу разочарувања.