Пресметајте го вашиот љубовен број!
Дали датумот на вашето раѓање може да го определи вашиот љубовен живот? Проверете…
Љубовен број 1
(За родените на 1-ви, 10-ти, 19-ти и 28-ми во месецот )
Единиците се водачи во љубовта. Најчесто се во потрага по некоја голема љубов, желни за експерименти и лесно губат интерес за нештата. Во раните години од животот тешко се смируваат покрај еден партнер и пред сè се насочени кон личните интереси. Во сексот се страсни и полни со енергија, со што речиси секогаш се неодоливи за партнерот. Сепак, иако имаат многу обожаватели тешко се решаваат да влезат во сериозна врска бидејќи пред сè бараат личност што ќе ги стимулира како психички, така и физички.
Љубовен број 2
(За родените на 2-ри, 11-ти, 20-ти и 29-ти во месецот)
Во нумерлогијата луѓето родени на некој од овие датуми важат за личности кои се подготвени да направат буквално сè за мирно функционирање на врската. Како љубовници им нудат голема емоционална сигурност на своите партнери. Бројот два е поврзан со месечината која пак е симбол на емоционалната и грижлива природа. Затоа им е потребен партнер кој размислува логично и е полн со разбирање. Сексуалната страст секогаш им е во втор план.
Љубовен број 3
(За родените на 3-ти, 12-ти, 21-ви и 30-ти во месецот)
Тројките се забавни и енергични личности подготвени да експериментираат во љубовта. Овие љубовници имаат потреба од простор и контакт со други луѓе за да се чувствуваат среќно. Ако се почувствуваат заробено, веднаш реагираат тврдоглаво и раздразнето. Сексот го практикуваат секојдневно, па доколку не го добијат во врската, ќе го побараат на некое друго место. Уживаат да испробуваат нови секс пози, сè со цел подобро да ја задоволат другата страна. Станува збор за големи идеалисти, кои се привлечени од гламурозни нешта и кои го напуштаат бракот кога ќе забележат дека монотонијата го уништила совршеното секојдневие.
Љубовен број 4
(За родените на 4-ти, 13-ти, 22-ри, 31-ви во месецот)
Иако од надвор изгледаат стабилно и доверливо, четворките се мошне емоционални и фрустрирачки настроени кога нема да го добијат она што го сакаат. Врските кои навестуваат стагнација на љубовно поле ја будат нивната двојна природа. Луѓето родени под овој број се лојални, но збеснуваат за многу мали ситници бидејќи љубовта ја сфаќаат мошне сериозно. Нивната ладна и навидум незаинтересирана природа има магнетна привлечност, но самите четворки не се нешто многу заинтересирани за секс.
Љубовен број 5
(За родените на 5-ти, 14-ти и 23-ти во месецот)
Лесно приспособливи, љубопитни и пријателски настроени петките се мошне атрактивни за спротивниот пол. За да бидат среќни во љубовта секогаш им се потребни нови нешта. Освен тоа сакаат и партнер кој психички ќе ги стимулира. Бидејќи се авантуристи понекогаш влегуваат во повеќе од една врска, сè со цел да им биде што е можно поинтересно. Уживаат во флертот, а успехот во љубовниот живот најчесто им зависи од тоа колку партнерот е подготвен да го прифати нивното специфично однесување.
Љубовен број 6
(За родените на 6-ти, 15-ти, 24-ти во месецот)
Шестките мразат безредие во љубовта, па затоа секогаш се трудат нештата да бидат под конец. Најмногу уживаат кога се со семејството и пријателите и се посветени на мирен живот. Постојат два тип на луѓе со овој број. Едните имаат лош карактер и секогаш бараат нова љубовна жртва, додека другите се силни и атрактивни карактери кои се експерти во водењето љубов. И едните и другите стануваат огорчени кога врската во која инвестирале многу љубов и внимание почнува да се распаѓа.
Љубовен број 7
(За родените на 7-ми, 16-ти и 25-ти во месецот)
Нумеролошките седмици се тип на луѓе кои понекогаш не дозволуваат никој да им се доближи. Сепак, иако се осаменички личности, важат за верни и посветени партнери. Откако ќе ја воспостават саканата врска стануваат далеку поинтимни и романтични од другите луѓе. Вообичаено се многу чувствителни во потрагата на идеалниот партнер. Имаат здрав сексуален нагон, но повеќе се водат од емоции отколку од сирова страст.
Љубовен број 8
( За родените на 8-ми, 17-ти и 26-ти во месецот)
Овие личности храбро и сериозно ги сфаќаат љубовните врски. Генерално осмиците се практични и стабилни луѓе. Во љубовта понекогаш пливаат спротивно на течението на реката. Нивната преокупација со работата и амбициите може да им ја уништи врската. Затоа им се препорачуваат партнери кои се исто така амбициозни. Ако личноста со која што се го нема истиот интензитет за работа како и тие, врската е осудена на пропаст уште од самиот почеток. Што се однесува на сексот, станува збор за индивидуи кои во потполност во љубовната игра.
Љубовен број 9
(За родените на 9-ти, 18-ти и 27-ми во месецот)
Деветките како љубовници се мошне посветени и трудољубиви. Сепак, нивниот мирен карактер најчесто е земен за готово, па не ретко завршуваат искористени. Многу се грижат за личноста со која започнале врска, но кога ќе им пукне филмот емоциите им наликуваат на вулканска ерупција. Имаат прекрасен магнетизам кој без проблем ги привлекува потенцијалните партнери кон нив. Може да дадат многу во една врска, сè додека не го поистоветат сексот со вистинска љубов. Повремено сакаат партнерот да им покаже дека сè уште е нивната сродна душа.