Начин да дознаете дали некој влегува во вашиот профил на „Фејсбук“

Постојано споделуваме лични информации на профилите на социјалната мрежа.

Фотографии, пораки, каде сме биле, што сме правеле и уште цел куп работи. Никој не би сакал да му влегуваат во личните пораки, а има начин да дознаеме дали некој се обидува да ни влезе во профилот.

Од менито на вашиот профил (триаголничето што го притискате, за да се одјавите на менито) изберете Settings (Поставки). Потоа од менито лево изберете Security (Безбедност). Ви се појавуваат неколку опции, од кои едната е Login Notifications (Известувања при пријава). Активирањето на оваа поставка ви овозможува да добивате известување по е-мејл или како SMS секој пат кога Facebook ќе забележи влез во вашиот профил во непознат за него уред. Ова значи дека ако некој ја знае вашата лозинка и влезе во вашиот профил, ќе добиете известување за тоа. Добивањето на таквото известување би требало да е сигнал за вас и веднаш да ја промените лозинката.