Ако не ти се допаѓа нешто – издржи. И ако ти се допаѓа – издржи. Еден ден сето тоа ќе стане вчера…

Првиот впечаток, првото чувство, првата помисла се особено важни во секоја ситуација. Колку и да не верувате доволно или се сомневате дека нешто само ви се причинува, така е како што ви изгледа.

Понекогаш не сакате да си признаете дека може да е вистина она што го мислите или чувствувате.

Некои го сметаат за шесто сетило, некои за интуиција, некои за залажување, страв или утеха, но тоа е она што го гледате.

Како што се чувствувате – такви сте. Ако ви прелетува некоја мисла за некоја личност или ситуација – не е случајност.

Ако ти се допаѓа – заљубен/а си без разлика кој или што е.

Ако тебе ти е добар/а и за другите е.

Ако сакаш нешто да освоиш, го освојуваш.

Ако ти е страв, трепериш.

Ако те нервира некој полудуваш. Но, исто и ако ти е многу убаво со него/неа – полудуваш.

Ако мислиш дека нема да најдеш веќе таков/а – нема.

Ако се надеваш на подобро – ќе дојде.

Ако се надеваш на вистинскиот/та – ќе те стигне, колку и да трчаш брзо.

Ако мислиш дека сега е моментот – ќе се случи.

Ако се сомневаш дали е искрено – некој те лаже.

Ако гледаш низ малиот отвор сè ќе ти изгледа ситно, мало и далеку. Ако ја отвориш вратата, ќе влезе она што треба, а ќе излезе сè друго.

Ако ја треснеш вратата, ќе останеш сам/а.

Ако веруваш во успех – ќе успееш.

Ако се сомневаш – ќе пропаднеш.

Ако се плашиш – ќе те изедат, ако глумиш храброст – ќе те сомелат.

Ако си храбар/а – ќе победиш.

Ако е вистинско, ќе се најде и начин и време.

Ако е лошо – препознај го, оцени го, пушти го, предај се, бегај.

Ако очекуваш – ќе се разочараш.

Ако станеш можеби ќе паднеш, а можеби и не.

Ако седнеш нема да паднеш, но потешко ќе станеш.

Ако ти се спие, легни. Ако ти се сонува, фантазирај.

Ако ти се сака, прво земи го огледалото и почни.

Ако нешто сакаш – не го пуштај.

Ако играш – заврти се.

Ако сакаш промена – направи ја.

Ако мислиш на болката – ќе те боли посилно.

Ако сакаш некого – простувај.

Ако не сакаш некого – пушти го/ја. Ако некој не те сака – исто.

Ако не ти се допаѓа нешто – издржи. И ако ти се допаѓа – издржи. Еден ден сето тоа ќе стане вчера.

Сè поминува, па и ние.

Ако ти се чини дека не можеш – нема да успееш.

Ако мислиш дека можеш – можеш и мораш.

Имаш одговорност кон себе. Имаш обврска. Имаш шанса. Имаш моќ.