Чоколадна кекс торта: Одличен десерт без многу мака

Состојки:

500 гр петит бисквити

700 мл млеко

1 пакетче пудинг од чоколада

250 гр маргарин

150 гр шеќер во прав

100 гр црна чоколада

Подготовка:

Во топлото млеко со постојано мешање сварете го пудингот. Во пудингот додадете црна чоколада, мешајте додека не се стопи и оставете да се олади.

Маргаринот и шеќерот во прав се матат со миксер и се додаваат во пудингот.

Бисквитите се потопуваат во млеко и се подредуваат во калап. Се премачкуваат со чоколадниот фил, а постапката се повторува се додека не се употребат сите состојки.

Со останатиот фил се декорира тортата, како и со рендана чоколада, па се остава да се олади во фрижидер.

Ладната торта се сече и се сервира.