Според People: Сандра Булок е најубавата жена за 2015 година

Сандра Булок ја доби титулата Најубава жена на светот од списанието People. 50-годишната актерка изјавила дека убавината не се крие во надворешниот изглед.

„Вистинската убавина е дискретна… Биди добра личност, биди добра мајка, справувај се добро со готвењето ручек, дозволи да ти го пресече патот некој што изгледа како да се брза повеќе од тебе. За мене најубави луѓе се оние кои не се трудат“ – изјавила Булок.

Холивудската ѕвезда која е мајка на 5-годишниот Луис, споделила дека најубавите комплименти ги добива токму од нејзиниот син. „Го легнував да спие и му реков дека сè уште ќе го сакам и дека ќе сакам да го завивам пред спиење и кога ќе бидам стара, седа и со повеќе брчки. Тој ме праша зошто имам брчки, а јас му одговорив: Па, се надевам дека некои од нив се од многу смеење. Тој ми го допре лицето и рече: Не си стара, ти си среќна“ – раскажала таа.

Минатата година Лупита Нионго беше прогласена за најубава личност, а во претходните години истата титула им припаѓаше на Гвинет Палтроу (2013), Бијонсе (2012) и Џенифер Лопез (2011).