Зошто го изневерив мојот сопруг?

1 март, 20150
4

Неважно од која причина, неверството е најголем непријател на една врска. Дури и ако другата страна одлучи да премине преку тоа, нарушената доверба често го нагризува односот, а ретки се оние кои по неверството продолжуваат среќно во бракот..

Ова се 5 вистински животни приказни на жени кои ги изневериле своите мажи:

1. Барав утеха

„Од денот кога се омажив за него знаев дека е грешка. Беше пасивно агресивен и сакаше да ме контролира. Очекуваше дека ќе дадам отказ за да останам дома да се грижам за децата и за куќата.

Брзо по првата година од бракот почнав да го изневерувам со еден од колегите со кои работев. Не се залажував дека се работи за љубов, но имаше ситуација која ми ги отвори очите.

Бев со некој со кој се чувствував добро, ми даваше поголема самодоверба, ме смееше и ме почитуваше заради тоа која сум и не сакаше да ме претвори во нешто друго.

Таа афера  ми помогна да се пронајдам себе и да ги откријам своите желби, ми даде сигурност дека можам и сакам да живеам без него.

Да не се случеше ваквата ситуација прашање би било дали некогаш ќе побарав развод. Сега, 25 години после тоа, омажена сум за прекрасен маж со кој се согласуваме и не се обидуваме да се промениме“. (Елизабет, 50 год.)

vistinski-prikazni-5-zeni-i-nivnite-pricini-za-neverstvo-3.jpg

2. Си замеривме

„Се омажив на 22 години, а по венчавката сè се промени. На почетокот двајцата не можевме да дочекаме да имаме семејство и да добиеме деца, но одеднаш престанав да се чувствувам така.

Се посветив на работата која ја сакам и децата некако не се вклопуваа во таа слика. Тој беше повреден заради тоа и почна да ми замерува.

Тогаш почнаа кавгите, а јас почнав да му замерувам затоа што тој ми замерува и постојано само се повредувавме.

Иако инсистирав на секс со кондом една вечер го забележав како го кине, бидејќи сакаше да останам бремена.

Тогаш престана нашиот сексуален живот. Подоцна запознав еден маж на интернет со кој се гледав скоро година дена, додека не ме откри сопругот.

Но, сепак, и покрај сè љубовта меѓу нас не беше исчезната и сакавме да му дадеме втора шанса на бракот. Почнавме да одиме на поединечни и брачни психолошки терапии и успеавме да останеме заедно. Но, она што го научив на крајот беше дека не е целата вина до мене, туку 50 отсто е негова“. (Ванеса, 28 год.)

3. Ми беше досадно и бев несреќна

На 35 години мојот живот беше како сон – маж кој ме сака и две прекрасни деца. Но, јас бев несреќна. Тој беше добар човек, но ми беше неподносливо досаден.

Некако се чувствуваше како со сила да сака да се вклопи во сè, а некако не му одеше. Таа година првпат го запознав Австралиецот Боб и некако веднаш почувствува некоја хемија и поврзаност.

Си размениме броеви и останавме во контакт. Одлучив да отидам до Австралија за да го видам и да расчистам еднаш засекогаш со тоа што се случува.

Наместо тоа, се заљубив. Оставив сè – децата, мажот, работата и родниот град. Се преселив да живеам со Боб во Австралија.

Станав посилна, независна и самоуверена жена. Тоа беше пред 25 години, а денес јас и Боб сме во среќен брак, водиме сопствена винарија и неверството се покажа како најубава пресвртница во мојот живот.

Боб и јас имаме 5 деца и 10 внуци и не ми е досадно. (Барбара, 60 год.)

vistinski-prikazni-5-zeni-i-nivnite-pricini-za-neverstvo-2.jpg

4. Мојот маж беше опседнат со работата

„Јас 10 години водев свој живот независно од мојот маж, бидејќи тој никогаш не беше во близина. Гери беше целосно опседнат со својата работа, а сопруга му требаше само формално.

Затоа никогаш немаше енергија ниту желба за мене. Јас бев целосно предадена на семејството и давав сè од себе, но во срцето знаев дека не сакам така да живеам цел живот.

Една вечер го сретнав Том, кој ми беше  само познаник, а по неколку неделни средби, една вечер завршивме заедно.

По неколку неделно изневерување на сопругот одлучив да ставам крај на нашиот брак и две години подоцна да се венчам со Том.

Немаше ни еден месец по венчавката кога Том доживеа срцев удар и почина. Тоа што завршив со него беше најдобрата и најлошата работа што ми се има случено во животот.

Тој ја разбуди жената во мене и ми покажа како заслужувам да бидам сакана, а кога почина ми го одзема сето тоа.

Сепак ми остана надежта дека можам тоа повторно да го доживеам и дека знам што ми е потребно“. (Барбара, 49 год.)

vistinski-prikazni-5-zeni-i-nivnite-pricini-za-neverstvo-1.jpg

5. Тој прв ме изневери

„Бевме скоро една година во брак кога дознав дека ме изневерил. Бев многу лута, повредена и ме убиваше сознанието дека не сум му доволна.

Се чувствував како да не сум доволно добра, способна и привлечна како жена, па затоа морал сето тоа да го побара на страна.

Целиот тој хаос на измешани чувства беше пресуден за и јас да се впуштам во афера. Го изневерив, пред сè за да му се осветам, но и за да си ја вратам самодовербата.

Сакав повторно да се почувствувам привлечно и посакувано. Откако тој ме откри, живеевме одделно неколку месеци, но потоа одлучивме да побараме стручна помош и да го спасиме нашиот брак.

По 14 години брак кој успеа да преживее, најголема лекција која ја научив е дека сме си доволни еден на друг за да бидеме среќни, но добриот однос бара постојан труд и внимание“. (Лари, 33 год.)

vistinski-prikazni-5-zeni-i-nivnite-pricini-za-neverstvo-5.jpg

 

Leave a Reply

Your email address will not be published. Required fields are marked *