Веќе ништо нема да биде исто на патиштата: Доаѓа ново луксузно „чудовиште“ од „Бе-Ем-Ве“

Гласините кои неуморно кружат последниве дена добија официјална најава од еден од водечките луѓе на германскиот производител на автомобили.

Халард Кругер потврдил дека на пазарот ќе пристигне луксузен модел кој во гамата на Бе-Ем-Ве би требало да се смести над серијата 7.

Кругер додал дека станува збор за автомобил кој ќе има можност за автономна вожња и дигитално поврзување, во целост нов ентериер и дека ќе биде претставник на новата генерација електро-мобилност на патиштата.

Се` ова води кон заклучок дека притоа се зборува за возилото кое денес е препознатливо под називот iNext, односно претставениот концепт BMW Vision Next 100 со кој компанијата ја прослави 100-годишнината од постоењето.