Како да ја избришете пратената порака пред примачот да ја види?

Секој од нас барем еднаш  испратил порака на погрешен број и зажалил, посебно ако пораката била со содржина која никако не би смеела да ја види личноста на која по грешка сте и ја испратиле. Сега, постои апликација која би можела да ви го „спаси животот”.

Privates е апликација чија примарна намена е да обезбеди сигурни разговори во кои речиси е невозможно да се „влета”, но тоа што корисниците највеќе ги воодушевува е моменталното повлекување на веќе испратена порака.

За да ја избришете, пораката мора да биде непротчитана, но тие неколку моменти колку што на примачот му се потребни за да ја отвори, на многумина ќе им биде доволно за да стигнат да ја спасат работата.

Апликацијата е бесплатна, а моментално е достапна само за iOS уредите, што значи дека Android корисниците ќе мораат да почекаат уште некое време.