Спектакуларен поглед за 150 милиони долари

ФРАНЦИЈА- Модниот дизајнер Пјер Карден веќе неколку децении е сопственик на футуристичката вила наречена Палата од меури на ридовите над Кан, на југот од Франција, но оваа необична градба составена од повеќе сфери во црвено-кафена нијанса ставена е на продажба по цена од вртоглави 150 милиони долари.

Дизајнерот на ова место организира многу забави и модни презентации, а токму во палатата Раф Симонс во мај годинава прикажа ресорт-колекција на “Диор”. Изградена меѓу 1975 и 1989 година од страна унгарскиот архитект Анти Ловаг, палатата има 27 сфери, десет спални соби, органски кружни форми организирани на 1.200 квадратни метри, како и неколку базени и амфитеатар со 500 места и спектакуларен поглед на Средоземното Море.