Диетална чорба со леблебии – вкусен и здрав оброк!

Состојки:

• 160 гр леблебии
• 1 мала главица кромид
• половина чешне лук
• киселец
• 300 гр пасиран домат
• 8 дл супа од зеленчук
• маслиново масло
• сол
• лута пиперка

Начин на подготовка:

Ставете леблебии во сад, налијте ги со млака вода и оставете ги да отстојат 12-24 часа, променувајќи ја водата најмалку еднаш за тоа време.

Исцедете ги леблебиите, префрлете ги во тенџере, прелијте ги со студена вода и гответе ги 2 часа. Исцедете ги повторно, па третина од леблебиите изблендирајте.

Исечкајте киселец. Излупете кромид и лук и исечкајте ги, па пропржете ги во тенџере на неколку лажици масло. Додајте киселец, потоа и целите и изблендираните леблебии, па на крај пасираниот домат.

Гответе неколку минути, па додајте супа, поклопете и гответе дваесетина минути.

Посолете, зачинете со малку сечкана лута пиперка и послужете со топол потпечен леб.

На здравје!