Коцки со бело чоколадо

Денес ви претставуваме еден едноставен рецепт за колачи со прегорен путер и бело чоколадо кои се прават лесно и за многу кратко време, а се навистина вкусни.

Состојки:

– 150 гр. путер

– 1 чаша кафеав шеќер

– 1 јајце

– 1 лажица екстракт од ванила

– 1 чаша брашно

– 1/4 лажичка сол

– 100 гр. бело чоколадо (сецкано)

– 1/2 чаша путер од кикирики

Подготовка:

Во еден сад стопете го путерот. Кога ќе почне да добива кафена боја и се појават меурчиња тргнете го настрана.

Додадете го шеќерот и мешајте додека смесата не се комбинира убаво, а потоа додадете ги и јајцето, ванилата и повторно промешајте.

На оваа смесата додадете ги брашното и солта. Убаво измешајте. На крај додадете го и сецканото чоколадо.

Смесата ставете ја во плех за печење и одозгора премачкајте ја со путерот од кикирики.

Печете ја 15 до 20 минути на 150°C, а потоа исечете ја на коцки.

Доколку сакате кога ќе се изладат пропрскате ги коцките со бело чоколадо.