Колачиња со лешници

Најпрвин се прават 3 кори од следните состојки:

• 9 белки
• 15 лажици шеќер
• 18 лажици лешници

Секоја кора треба да содржи третина од состојките за да ви излезат 3 (3 белки се матат со 5 лажици шеќер и 6 лажици мелени лешници).

Смесата се распределува во тава за печење и се пече 15 минути на 200 степени.

Се подготвува чоколадната глазура за која ќе Ви бидат потребни:

• 200 гр. чоколада за готвење
• 100 гр. слатка павлака
• 1 лажица путер

Чоколадата искршете ја на коцки и ставете ја во сад на пареа да се растопи заедно со путерот, слатката павлака и лешниците.

Секоја кора кога ќе се испече се премачкува со чоколадната глазура и се оставаат да се излади комплетно за да може чоколадата да се стегне.

Филот се подготвува на следниот принцип:

Во тенџере на оган се става 500 мл млеко да се згрее, 10 лажици шеќер и 1-2 лажици екстракт од ванила. Во друг сад на страна се матат 9 жолчки, 200 мл млеко и 1 кесичка пудинг од ванила.

Убаво се меша целата смеса за да нема грутчиња и се претура во млекото додека врие и се подготвува исто како пудинг. Се става најлонска фолија одозгора (да допира убаво до пудингот за да не фати кора и се остава целосно да се излади.

Кога ќе се излади се мати со миксер на најјака брзина со 100 гр. путер на собна температура.

Корите се редат на следниот принципот: се става кора, врз неа филот, се размачкува убаво, па пак кора, па пак фил и на крај се става последната кора со чоколадо на која се ставени мелени или сецкани лешници (или ореви). Се лади во ладилник околу 1час и се сечат коцки.