Сјаен трик: Подгответе пица во тава

Ако сакате пица, но немате време да вклучувате рерна, имаме вистинско решение за вас. Своето омилено јадење можете да го подготвите и во тава, само важно е да имате капак.

Состојки за тесто за пица:

• околу 250 гр пченично брашно
• 1 шолја вод
• 1/2 лажичка квасец
• 1/3 лажичка сода
• 1/2 лажичка шеќер
• 1/2 лажичка сол

Состојки за сос:

• шунка
• рендан кашкавал
• кечап
• оригано
• маслинки
• и се што сакате да ставите на пицата

Начин на подготовка:

Измешајте ги сите суви состојки, поточно, во брашното додајте шеќер, сол, квасец и сода. Додајте вода и месете го тестото додека не престане да се лепи на рацете. Кога ќе завршите со тестото, оставете го малку да отстои.

По еден час, земете го тестото и ставете го во тавата, во која претходно сте ставиле масло. Печете на силен оган околу пет минути, а потоа сврете го од другата страна. Намалете ја температурата и распоредете шунка, кечап, оригано и се што сакате по тестото. Тавата поклопете ја и печете ја пицата на умерена температура. Јадењето е готово кога кашкавалот ќе се растопи.