Германија: Бегалец пронашол 150.000 евра и ги вратил на властите!

Бегалец од Сирија, кој минатата година дошол во Германија, во стар орман кој го добил од една хуманитарна организација пронашол 150.000 евра кои ги вратил на властите, соопшти денеска полицијата.

Сириецот, чие име не е објавено, пронашол 50.000 евра во кеш, како и штедни книшки на кои имало повеќе од 100.000 евра, сокриени во орманот.

Тој, орманот го добил од една хуманитарна организација која обезбедувала мебел за бегалците.

Полицијата од германскиот град Минден соопшти дека луѓето редовно враќаат помали количини пари, но дека „толкава сума е апсолутен исклучок“.

Сириецот дошол во Германија како бегалец минатата година во октомври.