Намалете 6 килограми за еден месец
Здравото губење на килограмите подразбира губење од 450-900 гр. неделно и затоа пред да започнете со примената на овој план на исхрана најдобро е да се посоветувате со вашиот лекар. За реализацијата на планот ќе ви биде потребна силна волја и дисциплина бидејќи калориите се избројани а порциите се мали, но сепак ги содржат сите потребни хранливи материи.
Исхраната треба да се состои од мали количини на житарки и здрави масти како и млечни производи со мал процент маснотии, протеини и големи количини на овошје и зеленчук. Треба да јадете на секои четири часа за да го забрзате метаболзимот и да избегнете прејадување.
План за исхрана
Појадок
Појадокот е најважниот оброк во денот и затоа можете да си дозволите да внесете поголем број калории наутро. Појадокот треба да содржи јаглехидрати кои бавно согоруваат и протеини кои ќе ви обезбедат енергија. На пример, вашиот појадок би можел да изгледа вака:
1. Омлет од белки и зеленчук со парчиња тост од интегрални житарки и половина банана. 2. Неколку мали палачинки од интегрално брашно со зрнесто овошје и немасен јогурт. 3. Интегрални пченкарни снегулки со немасно млеко и зрнесто овошје и тврдо варено јајце.
Ужина по појадокот
Ужината по појадокот треба да го одржува нивото на енергија и да ве засити до ручекот. Совршен избор за ужина е овошјето кое содржи природни јаглени хидрати и шеќери. Освен овошје можете да испиете и јогурт со ниска масленост или да изедете малку сирење или тврдо варено јајце. Треба да внимавате да не ги повторувате истите намирници кои сте ги имале за појадок.
Ручек
Ручекот треба да биде лесен но сепак доволно хранлив за да се избегне прејадувањето во вечерните часови. Можете да изедете мал сендвич или бистра супа. Потрудете се сендвичот да биде направен од интегрален леб со зеленчук и немасно месо како пилешко, мисиркино или риба. Можете да додадете зелена салата, а мајонезот треба да го заборавите.
Попладневна ужина
За попладневната ужина најдобро е да јадете сиров зеленчук како морков, целер, краставица и сл. со нискокалоричен сос како на пример хумус. Ако сте се уште гладни можете да изедете и десетина парчиња јаткасти плодови како бадеми, ореви, лешници и сл.
Вечера
Вечерата не треба да содржи никакви јаглени хидрати туку треба да се состои исклучително од белковини како риба или бело месо и многу зеленчук. Јаглените хидрати се резервирани за појадок и ручек.
Десерт
За десерт можете да изедете некое свежо овошје или да се напиете чаша немасен јогурт. Десертот не треба да содржи повеќе од 100 калории. Сите слатки, шеќери, газирани пијалоци, грисини и сл. треба да ги забравите во текот на овој месец додека сте на диета, доколку сакате диетата да ви биде успешна.