Како да се справите со напад на паника?

Напад на паника е ненадеен наплив на физички симптоми – како отежнување при дишењето, грчеви во мускулите, гадење – во комбинација со неконтролирана анксиозност и чувство на претстојна опасност. Посета на лекарот и очајни телефонски разговори вообичаено не откриваат ништо. Ако некогаш сте имале ваков напад, вие веројатно сте доживеале фрустрација и безнадежност затоа што не сте знаеле зошто точно истото ви се случило.

Со тоа што ќе се едуцирате за нападите на паника, вие можеби ќе почнете да имате контрола над проблемот. Не мора да живеете во страв повеќе.

Прифаќањето на нападот може да помогне во намалување на неговиот ефект. За да ја контролирате анксиозноста, закажете состанок кај својот лекар со целосна здравствена анализа. Ова ќе ви помогне да се фокусирате на својот пристап, затоа што ќе научите дека навистина се работи за напад на паника, а не нешто друго.

Исто, вашиот лекар знае да разликува нормални и почести напади на паника од посериозни нарушувања за кои можеби е потребен професионален третман или лекарства. Соработувајте со својот лекар, кој може да открие дали вие сте генетски подложни на ваков вид напади и дали се поврзани со други состојби како на пример проблеми со тироидната жлезда.

Препознавање на симптомите на напад на паника

Запознавањето со симптомите на нападите на паника ќе ви помогне да стекнете поголема контрола кога тие се случуваат. Откако ќе сфатите дека искусувате напад на паника, а не срцев удар или некаква алергиска реакција вие ќе можете да се фокусирате на техниките за смирување.

Можноста да ги препознавате симптомите ќе ви помогне да одберете што точно треба да превземете за да го пребродите нападот. Иако симптомите варираат од личност до личност и само професионалец може да донесе дефинирана дијагноза, едни од најчестите симптоми се:

• Нерегуларно чукање на срцето
• Вртоглавица и зашеметеност
• Недостаток на воздух
• Гадење
• Тресење и потење
• Болка во градите
• Грчеви во мускулите
• Замор и слабост
• Топлотни удари или треска
• Страв дека можеби полудувате
• Страв дека ќе умрете

Нападите на паника често се поттикнати од страв (свесно или несвесно), а некои од чудните физички реакции кои ги доживувате за време на еден напад се резултат од реакцијата на вашето тело. Честите напади на паника вклучуваат:

Анксиозност – Личноста станува ментално анксиозна за некој минат, трауматичен настан, а телото реагира како истиот настан да се случува повторно. Ова може да биде поттикнато од фотографии, разговор, или нешто што ги враќа лошите спомени.

Себе-поразителна визуелизација – Не само што личноста може да си претстави слика од себе како повторно доживува некаков трауматичен настан, истата може да изгуби контрола на сегашната ситуација. Личноста ја интерпретира ситуацијата како потенцијално опасна, а телото лачи адреналин за да го подготви телото за криза.

Разбирањето на своето тело и ум може да помогне при подобрување на одговорот на таквите застрашувачки ситуации. Иако постојат повеќе варијации, најчестите реакции на паника вклучуваат:

Телото алармира – Мозокот праќа порака на телото за да го заштити од претстојната закана, а телото се подготвува за состојба на итност. Зениците може да се рашират за личноста да види подобро, срцето чука посилно за крвта да циркулира побрзо до виталните органи, дишењето се забрзува со цел носење поголемо количество кислород до крвта, а мускулите се под тензија.

Умот е заглавен во страшните мисли – Наместо да реагира или да реши проблем за личноста да “излезе” од ситуацијата, умот останува преплавен од страв од кој не може да се ослободи.

Дишењето е позабрзано – Вдишувањето на кислород реагира на клетките кои произведуваат јаглерод диоксид. За време на напад на паника, дишењето се зголемува за телото да апсорбира повеќе кислород кој ќе го подготви за потребната акција. За време на брзото и тешко дишење, белите дробови испуштаат повеќе јаглерод диоксод од она што клетките го произведуваат со што нивото на јаглерод диоксид во крвта и мозокот се намалува.

Релаксирано дишењето и опуштање на мускулите

Ако чувствувате дека се наближува напад на паника, техниките за дишење и релаксација можат да ви помогнат да ја исконтролирате ситуацијата. Вежбајте ги техниките два пати дневно само 10 минути и нападите на паника ќе бидат полесни за контролирање.

Ставете една рака на градите, а другата на дијафрагмата.

Почнете полека и дишете длабоко низ носот додека броите до 5. Раката која ви е на градниот кош нека остане таму, а другата ќе се крене со текот на дишењето. Така ќе знаете дали дишите доволно длабоко.

Откако ќе изброите до пет, испуштете го воздухот бавно преку носот (повторно броејќи до пет). Концентрирајте се на вашите раце, а броењето ќе ви помогне да се фокусирате и да се смирите. Дишете така додека не се смирите.

Релаксирајте ги мускулите. Пронајдете комфорна позиција за седење.

Затворете ги очите и фокусирајте се само на прстите на нозете. Свиткајте ги силно своите прсти на нозете, згрчувајќи ги најмногу што можете, а потоа опуштајќи ги.

Потоа, концентрирајте се на стапалата. Згрчете ги мускулите на стапалата додека броите до пет, а потоа опуштете ги.

Продолжете со телото, правејќи ја истата постапка со секоја мускулна група (листовите, бутовите, задникот, стомакот, градите, рамената, вратот, прстите, рацете и рацете) па се до мускулите на лицето.

Вежбање

Нападите на паника може да направат да се чувствувате уморни или напнати. Наместо да се вратите во кревет, пробајте да:

Прошетате – За време на напад на паника, ви се чини како ништо да не може да ве спаси. Понекогаш нормалните активности како прошетка во мирен парк може да ве релаксираат. Отидете на место каде ќе го релаксирате својот ум од анксиозноста. Аеробик вежбите исто му помагаат на телото да лачи ендорфин. Чистиот воздух и сонцето секако имаат позитивен ефект.

Јога и истегнување – Како и длабокото дишење, овие активности ја намалуваат тензијата во мускулите. Легнете на грб и едното колено донесете го до градите. Држете го со своите раце околу 20 секунди, додека дишете длабоко преку носот. Повторете го истото со другото колено.

Застанете со раширени нозе, држејќи ги колената рамни – Наведнете се напред и допрете ги врвовите на прстите на нозете. Стојте така околу 10 секунди, па вратете се во првобитната позиција. Повторете доколку е потребно.

Соочување со стравот

Колку повеќе го разбирате својот страв, толку повеќе ќе можете да го контролирате. Пробајте да пишувате дневник, пред, за време и по напад на паника. Запишувајте ги своите мисли и грижи. Кога ќе се чувствувате подобро – прочитајте го она што сте го запишале. Ова може да ве подготви за друг напад. Други начини за разбирање на нападот вклучуваат:

Парадоксална намера – Целта на оваа вежба е да предизвикате напад на паника во меѓувреме контролирајќи го она што ве плаши. Внесете се во ситуацијата која ве плаши и можеби со помош на пријател ќе предизвикате напад. Ова ќе ви помогне да се тренирате себеси да не се плашите од ситуацијата, давајќи ви можност да учите од истата.

Зборувајте со терапевт – Терапевтот може да ви помогне да ги откриете корените на проблемот, да организирате план со кој ќе го отстраните својот страв. Побарајте препорака од својот лекар.

Колку страшно и да звучи, откако ќе почнете да учите за нападите на паника, ќе се соочите со нова мудрост и слобода – ова е супер чекор напред кој носи нови можности.