Основачот на “Викиликс“ Џулијан Асанж изјавил дека очекува екстрадиција во САД и дека доколку дојде до тоа постои “голема веројатност“ да биде убиен под нејасни околности. Како што пренесува Би-Би-Си, весникот “Гардијан“ напоменува дека засега нема веројатност Асанж да биде екстрадиран во Америка. Асанж изјавил дека доколку дојде до таков случај, неговата судбина ќе биде во рацете на премиерот Дејвид Камерун, но смета дека на Камерун ќе му биде отежната одлуката бидејќи “Викиликс“ ја ужива поддршката на граѓаните. Асанж додал дека за секој случај тој психички се подготвувал за можноста да заврши во американски затвор и напоменува дека ако биде екстрадиран, би можел да биде убиен под мистериозни околности.
Извор: Нетпрес