Французите сепак ќе работат до 67 година

Се чини дека масовните протести кои се одржаа во минатиот месец низ Франција против новите реформи за пензионирање, сепак не вродија плод. Францускиот претседател Саркози го потпиша спорниот закон за пензинирање, со кој французите ќе одат во пензија со наполнети 67 години. Службените весници на владата денеска објавија дека закон е потпишан, и официјално стапува во сила. Францускиот уставен суд вчера ја одобрил новата реформа за пензионирање и според новиот закон, годините за делумното пензинорање ќе бидат накачени од 60 на 62 години, а за заминување во целосна пензија границата е зголемена од 65 на 67 години.