Каде е најбезбедно да ги чувате парите?

Еден маж на возраст од 68 години се соочи со голема несреќа. Го снајде она, од што најмногу се плашеше. Тој цел живот штедел, и животната заштеда која изнесувала 80.000 фунти ја чувал како нешто најсвето. Бидејќи не верувал во банките, парите ги чувал дома, под креветот. Неговиот пес чувар ја имал задачата да ја чува кесата со пари кога тој не бил дома. Но по неговата смрт, човекот морал да ги зема со себе при секое излегување. Ги оставал во автомобилот и од местото каде седел внимавал автомобилот да му е во догледна близина, како би имал целосна контрола над него. Но, едно утро најверојатно торбата ја заборавил на покривот од својот автомобил и тргнал на работа. Околу пладне му текнало, по што веднаш заминал дома и го пребарувал целиот пат како би ја пронашол торбата. Пријавил во полиција и со солзи во очите барал помош, но торбата со пари се води само како изгубен имот, што значи сега ќе се чека само на совесност од страна на среќниот пронаоѓач.