Кучињата можат да им помогнат на децата со аутизам

Кучињата го намалуваат стресот кај децата со аутизам и помагаат да се контролира нивното однесување. Кучињата се познати како најдобри пријатели на човекот. Во новата студија покажа дека тие можат да им помогнат на децата кои имаат пречки во развојот. Истражувачите од Универзитетот во Montreal откриле дека специјално обучени кучиња можат значително да го намалат нивото на анксиозност кај децата со аутизам. Студијата наведува дека тие им помагаат на децата со аутизам да ги развијат социјалните вештини, бидејќи е тешко да се разберат чувствата на другите. Тоа е едноставно решение кое ќе им помогне и на нивните семејства да се справат со предизвиците во животот. Истражувањето го покажуваат директното влијание на кучињата врз нивото на хормоните на стресот кај децата. Нивото на стрес се мери преку количината на кортизол во плунката на болните. Кортизол е хормон произведен од страна на телото, како одговор на стресот, и е откриен во плунката. Биле испитувани 40 деца со оваа болест. Количината на овој хормон е мерена во три различни периоди, пред децата да бидат во контакт со кучињата, кога децата биле со кучињата и периодот после средбите со кучето. При тоа родителите пополнувале формулари во кои го опишуваат однесувањето на децата во сите периоди. Утврдено е дека децата имале 33 проблеми пред средбата со кучињата а само 25 по средбата. До сега не е најден ниту еден друг метод кој позитивно ќе реагира кај децата со аутизам.