Почина актерот Лесли Нилсен

Познатиот актер Лесли Нилсен почина во 85-тата година од својот живот. Американскиот филмски и телевизиски актер, ѕвезда на серијалот “Гол пиштол“ и “Има ли пилот во авионот?“ починал во својот дом во Флорида како последица од воспаление на белите дробови. Состојбата му се влошила во последните два дена. Покрај него било семејството, сопругата Барбари и пријателите. Актерот бил хоспитализиран пред две недели. Неговите пријатели изјавиле дека не ни сакал да оди во болница, туку се шегувал дека не ни знае што е тоа. Својата кариера Нилсен за почнал уште во 50-тите години на минатиот век.

Извор: Нетпрес