Соработничката на Тарантино пронајдена мртва

29 септември, 2010

Монтажерката на филмовите од познатиот режисер Квентин Тарантино, Сели Менке (56), е пронајдена мртва покрај пешачката зона во големиот парк Грифит во богатиот дел на Лос Анџелес. Познатата монтажерка погинала во вторникот за време на прошетка во еден од најтоплите денови кои се забележани во јужна Калифорнија, а причината за смртта сеуште не е утврдена. Нејзиното тело било пронајдено во два часот на утро, според локално време и официјалните лица изјавиле дека нема знаци дека таа погинала како последица од насилство. Сели Менке ги работеше монтажите на Тарантиновите филмови од самиот почеток, па се до последниот негов филм. Добитник е на многубројни награди, а беше и номинирана за Оскар за најдобра монтажа за филмот Pulp Fiction.