„Вампирот“ Роберт Патинсон “фура” нов стил

Најчеста мета на модните критичари се актерките во нивните екцентрични изданија. Сепак, и холивудските мажи знаат да откачат, па веднаш да се најдат на насловните страници.

Овој пат мета на критичарите е популарниот Роберт Патинсон, познат како „вампирот“ Едвард Кален од блокбастерот Twilight. Тој често знае да изненади со својата фризура, знае да се појави со локни, црвени прамени, но и во екстремно „примерни“ изданија.

Она што ги изненади сите на промоцијата на првиот дел од „Breaking dawn” од четвртото продолжение на епската сага беше полу-дивиот изглед на Патинсон.  Со половина ишишана, половина несредена коса, младиот актер ги изненади сите. Сепак, најверојатно неговата фризура се должи на новата улога во филмот Cosmopolis. Преостанува на вас да одлучите дали ви се допаѓа неговиот нов стил.