Нокиа ќе го поддржува Симбиан до 2016 година

Финскиот производител на мобилни телефони Nokia ќе продолжи со поддршката на Symbian оперативниот систем се до 2016 година. Ова е потврдено во едно интервју за Nokia Conversations China блогот од страна на извршниот директор Стивен Елоп.

Тој изјавил дека Нокиа преку својот партнер Accenture ќе овозможи поддршка на Symbian барем до 2016 година. Елоп додал: “иако поминуваме низ транзиција на нашата примарна платформа за паметни телефони, ќе видите понатамошни инвестиции и знам дека има премногу прашања околу тоа колку долго ќе трае, па затоа ќе бидам јасен – софтверските ажурирања за Symbian можете да ги очекувате барем до 2016 година.