Радијацијата во водата која истекува од “Фукушима 1“ е 7,5 милиони пати над нормалата

Количеството на радиоактивен јод во водата, која истекува од оштетената нуклеарка “Фукушима 1“ во Тихиот океан, е 7,5 милиони пати над нормалата, објави руската новинска агенција Итар-Тасс, повикувајќи се на информација на ТЕПКО, пренесува Нетпрес.

Анализите од тестовите од втори април, годинава, покажале дека количеството на изотопот јод -131 е 300.000 бекерели на еден кубен сантиметар.

Според ТЕПКО, се планира до петок да бидат испуштени околу 11.500 тони радиоактивна вода во Тихиот океан. Вкупно во “Фукушима 1“ има 60.000 тони радиоактивна вода.