Одложено Светското првенство во уметничко лизгање во Јапонија

Меѓународната лизгачка организација го одложи Светското првенство во уметничко лизгање кое требаше да се одржи во Јапонија од 21 до 27 март.

Во денешното соопштение на организацијата се наведува дека не е можно да се обезбедат услови за натпреварувањето кое требаше да се одржи во Токио, поради земјотресот и цунамито кои ја разорија Јапонија.

Одложена е и организацијата на Светскиот трофеј во уметничко лизгање, кое првобитно беше закажано за 14 април.

Во соопштението на организацијата се вели дека новиот датум на одржување на првенството, ќе биде дополнително објавен.

Извор: Нетпрес