Македонците јадат колку што работат! :)

Македонците на јадење и пиење дневно трошат исто време колку и за работа, односно нешто повеќе од два часа.

Македонците на возраст од 20 до 74 години во просек дневно работат 2 часа и 18 минути, додека за консумирање на храна и пијалоци дневно издвојуваат 2 часа и 8 минути, утврдил Државниот завод за статистика.

Статистичките анализи покажале дека македонците од 24 часа, дури 35% од времето, односо 8 часа и 32 минути  издвојуваат за спиење.

За слободни активности мажите одвојуваат 5 часа и 45 минути, додека жените 4 часа и 46 минути.

Меѓутоа, мажите не се докажале во домашните активности, а статистиката покажува дека тие 1 час и 17 минути од денот посветуваат за домот, за разлика од жените кои за тоа посветуваат 4 часа.

Она што сакаат македонците да го прават е да зборуваат на мобилен, користењето на мобилни во Македонија е рамо до рамо со високо развиените земји, а 81,9% од семејствата имаат  најмалку еден мобилен телефон.

Околу 47% од домаќинствата располагаат со компјутер кој е поврзан на интернет. Во Македонија скоро и да нема дом кој не поседува телевизор, па така 97,2% од населението има колор телевизор.

Машините за перење алишта има во 89,4% од домаќинствата, додека машини за перење садови 11,6%.