Три илјади нови садници за Македонија

31 март, 20110
den-na-drvoto-09

Под мотото “Ајде на садење, батали политика бар денес“, во Македонија денеска по седми пат ќе бидат засадени три илјади садници во рамки на акцијата “Ден на дрвото – пролет 2011“.

Акцијата симболично во понеделникот ја започнаа првата дама на Македонија, Маја Иванова и сопругите на амбасадорите во државава со садење на дрвца во манастирот во скопското село Љубанци.

Во засадувањето на Водно се придружија и вицепремиерот за европски прашања, Васко Наумовски, шефот на дипломатијата Антонио Милошоски и претставници на дипломатскиот кор.

Иницијаторот на акцијата Борис Трајанов апелира граѓаните масовно да се вклучат во акцијата и денеска да не размислуваат на политика и на предизборниот период.

“Луѓето да си садат дрвца, да си размислуваат, без оглед на политичка, социјална верска, национална определба, а следниот ден нека си размислува секој како ќе гласа, тоа е граѓанска обврска. Излезете, нема поубаво чувство од тоа кога ќе се засади дрвце и кога потоа ќе дојдете да го видите. Да си ја направиме нашата околина поубава, и така животот ни е многу напорен, динамичен, дајте малку да и се вратиме на природата“, вели Трајанов.

Во пролетната акција „Засади ја својата иднина“ ќе се пошумуваат урбаните средини, во близина на градовите, како и во околината на вештачките и природните езера.

За помасовно учество во акцијата, Владата го прогласи денешниот ден за неработен, што ќе се одработи во сабота на 9 април, а е обезбеден и бесплатен автобуски превоз до локациите каде што ќе се сади.

Во изминатите шест акции беа засадени над 30 милион дрвца на површина од 8.641 хектари и посеано е семе за четири милиони садници.

Извор: Нетпрес

 

Leave a Reply

Your email address will not be published. Required fields are marked *