Усвоена резолуцијата за напредокот на РМ, ЕП бара итно отворање на преговорите за членство

7 април, 20110
еу

Европскиот парламент ја усвои резолуцијата за напредокот на Република Македонија на патот кон ЕУ и уште еднаш побара итно отворање на преговорите за членство во Европската унија.
Од вкупно 594 европратеници, кои зедоа учество во гласањето, за резолуцијата гласаа 506, против 44 и 44 беа воздржани.
Во резолуцијата, Европарламентот уште еднаш бара итно отворање на преговорите за членство во ЕУ, со жалење што Советот на ЕУ не ги следел досегашните препораки на Европарламентот и на Европската комисија.
Документот што на 16 март беше одобрен од Комисијата за надворешна политика на ЕП, вчера во рамки на дебатата го бранеше бугарскиот европратеник од групата на социјалистите и демократите Кристиан Вигенин наместо Зоран Талер, кој поради корупциски скандал поднесе оставка од функцијата европарламентарец и известувач за Македонија.
Европратениците за време на расправата изразиле жалење што земјава се уште нема започнато преговори за членство во ЕУ и покрај препораките кои ги даде ЕП и ЕК.

Извор: Нетпрес

Leave a Reply

Your email address will not be published. Required fields are marked *