Фантастичен минијатурен град на возови поставен во Њујорк

Во Ботаничката градина во Њујорк во чест на Нова Година беше поставено Празнично шоу со минијатурни возови. Самото шоу вклучува минијатурни возови, но главна атракција се минијатурните модели на познати њујоршки згради направени целосно од растенија.

На изложбата ќе најдете реплики на Емпајр Стејт Билдинг, катедралата Ст. Патрик, ТВА терминалот и аеродромот ЈФК, како и многу други. Креатор на овие фантастични минијатурни модели е Пол Бус, кој се задржал на основната структура на зградите, но додал и свои идеи.